羅霖覓新歡：寄望明年春天

美魔女羅霖早前以50歲高齡，首度推出寫真集，擊敗一眾袒胸露乳的o靚模，成為全城熱話兼風頭躉，甚至連英國、墨西哥、日本和泰國等都有相關報道，升呢「全球美魔女」，相當架勢！

有小鮮肉追求

近日成為焦點的羅霖接受今期《好報》訪問大方分享keep fit之道，如何保持23吋纖腰及堅挺雙峰，又透露正靜待第二春來臨。她表示報道刊登後，即接獲不少好友善意報料，她笑說：「好多朋友問我鍾意咩類型嘅人？話幫我留意吓，其實我擇偶要求好簡單，就算細我十年都冇問題，最緊要思想成熟，唔好太幼稚，有內涵。（財政方面呢？）一定要獨立，不過如果第日我唔做嘢，都要養得起我，最重要當然要錫我同錫我三個仔啦！」

羅霖接受今期《好報》訪問，剖白感情生活。	要做美魔女，當然要有適量運動，做開運動的羅霖便輕易使出一字馬。	羅霖表示雖然未到更年期，但已做好心理準備。

她又自爆離婚後，曾有不少追求者，當中更有比她年輕的「小鮮肉」，但由於沒時間溝通發展，最後無疾而終，她說：「我今年太忙喇，希望出年嘅春天，可以遇到自己嘅春天！」

正能量迎更年期

羅霖又指不少朋友向她請教保養之道，以及面對更年期的苦惱等，她自言雖未到更年期，但已做好心理準備，現時每天都會吃四種健康產品，包括保眼素、鈣片、維他命C及保肝丸，確保身體強壯，她續說：「盡量唔好令自己衰老得太快啦，我到依家都冇老花o架。其實更年期都冇乜好怕，最緊要keep住正面心態，唔好容易忟憎，不過我將來都會同三個仔講定先，話媽咪更年期可能會煩躁，驚住唔小心亂發咗佢哋脾氣就唔好，哈哈！」

她又自爆很愛吃，但就小食多餐，且要做適量運動，近日她戒了消夜，因為受到太多關注，比以前更加不能懶惰呢！

採訪：Ada Lam　

攝影：吳文聰　

化妝：Peggy　

髮型：Jay　

服裝：Dorian Ho、Kanalili　

場地：馬伯樂酒業