戴凱欣情定上海男 「蜜」遊布吉
四洲太子女戴凱欣（Kennis）是城中鑽石女，樣靚身材正，而且有家底有學歷，但就遲遲未拍拖；直至最近終於宣布正在戀愛中，男友是上海人，兩人發展異地戀，雖然拍拖才短短兩個月，但已難捨難離，日前還雙雙遊布吉過二人世界。
家族擁有市值16億王國的四洲集團太子女戴凱欣（Kennis)有不少桃花運，曾與許志安、黃宗澤傳緋聞，但都只聞樓梯響，她亦笑言是「爛桃花」。感情路上一直未能遇上真命天子，但最近突然在網上上載了不少與一位男士態度親暱的旅行相，她大方認拍拖，還開心說：「啱啱拍拖兩個月，所以慶祝一下，去布吉旅行，享受陽光與海灘，食吓嘢。」
唔考慮閃婚
Kennis透露男友叫Justin，是上海人，在當地工作的銀行高層，兩人三年前經朋友介紹下認識，最近再次見面，她說：「有時啲嘢好講timing，大家見番時，都係單身，而且又有感覺，所以就一齊，同佢一齊好舒服，佢好好人，好有風度，兩人一齊最重要溝通到。（但相隔兩地？）係，但未嘗唔係好事，大家雖然少見，會好想爭取多啲時間見面，依家希望一個月各自飛一次見面，而我哋每日都會face time。（會唔會閃婚？）唔會，睇定啲，始終啱啱先開始。」Kennis公司上海亦有業務，被問到會否調去上海工作，她說：「遲啲先算，都可以諗吓。」
畀曱甴嚇親
兩人雖然只拍拖短短兩個月，但已急不及待過二人世界去旅行，她說：「我哋平時見面都係一大班朋友，因為佢嚟香港都會見吓朋友，難得可以兩個人，而且我已好多年冇去過布吉，去輕鬆吓。」今次四日三夜的行程，Kennis十分享受，但美中不足是她在所住的獨立屋內的私人泳池游水時見到曱甴，即時嚇到彈開，她說：「我好驚曱甴，真係嚇死，即時叫酒店啲人捉咗佢，仲將泳池啲水換過晒。」
文：名人組