周慧敏爆關淑怡開紀念騷
周慧敏（Vivian）及關心妍（Jade）昨擔任王敏慧有份投資的「Glorwe愛信科研美肌中心」開幕發布會嘉賓，玩具大王蔡志明女兒蔡加怡亦有現身。對於好友關淑怡早前再在社交網表示要退出樂壇，Vivian坦言沒留意消息，又表示與關淑怡不時會通電話，但近一、兩個月沒聯絡。問Vivian是否認為關淑怡有意退出？她卻誤爆關淑怡有意搞入行30周年紀念個唱：「我諗唔會，因為佢就嚟入行30周年，好似聽佢提過可能搞自己嘅騷。（向你呻過？）冇，我哋傾嘅內容完全係開心嘅。」
Vivian表示剛到過約旦和黎巴嫩進行慈善探訪，回港發現兩隻愛貓生病，所以接着的半年不打算接工作：「要隔日同兩隻貓打針，所以將工作放到好後，直至佢哋好轉。同埋舊年出完碟同拍咗電影，好攰，今年想做番好一個貓媽媽同好太太嘅角色。」
關心妍遭潑冷水
Jade多年前曾想過開朱古力店，不過因租金太貴而放棄：「老公成日潑我冷水，叫我唔好開，分分鐘損手損得甘過做歌手，令我打消念頭。」提到月底生日，Jade笑言有圈內朋友叫她搞「關家姐」生日會：「可能搞個生日派對叫大家一齊嚟玩，扮『關家姐』。」
文：音樂組
攝：李伯儒