陶枳樽豐胸追擊34F蕊蕊

陶枳樽以六位數酬勞任豐胸膏代言人。

組合HunterZ成員、「舞界栢芝」陶枳樽（Crz）自推出性感寫真集後，人氣急升，近日被廣告商睇中，以六位數字酬勞睇中，擔任豐胸膏代言人，早前Crz為其產品拍攝全新硬照，拍足七小時的她，換上兩套內衣谷盡四吋「事業線」，大騷32C「Big」爆上圍！

同屬HunterZ成員的蕊蕊以34F上圍見稱，問到Crz為何會被廣告商睇中，成功贏過蕊蕊，Crz笑言：「蕊蕊都夠晒勁喇，點睇都係我需要啲喇，我希望可以追趕佢嘅身材，依家日日搽，都改變咗我大細胸嘅情況。」已擁有「C級」身材的Crz，問到是否希望可以更上一層樓？她說：「我唔貪心，日日有恒心咁去搽應該可以嘅，當然要配合吓手勢按摩喇！」

人氣急升的陶枳樽對上圍仍未滿足，希望追趕隊員蕊蕊身材。

以34F上圍見稱的蕊蕊，去年亦有推出寫真。

拒絕富商飯局

Crz近期推出寫真後又做代言人，密密以性感形象示人的她，問到會否怕被定型及惹來富商飯局邀請？她表示：「平時HunterZ出活動都係穿背心短褲，至於電話我就未收過，如果收到我都會即刻拒絕。」

文：專案組