吳啟華曖昧埋身蔡思貝尷尬

藝人吳啟華、蔡思貝、滕麗名（阿滕）以及李施嬅（原名：李詩韻）等昨日在將軍澳電視城，出席無綫新劇《純熟意外》開鏡拜神儀式。啟華今次為劇集犧牲了不少與囡囡相處的時間，事關囡囡現時正在長春預備於九月份開學，需留港開工的啟華說：「佢之前都去咗日本玩，同埋九月開學之前，佢都有好多預備班要讀，學好多嘢，又鋼琴又跳舞。」

無懼父女關係差

不過啟華暫時無意送囡囡來港讀書，更大讚囡囡就讀的國際學校於全國排名第七。問他會否怕父女關係生疏？已睇得好化的啟華說：「都無辦法（口架）喇，好多父母都要做嘢（口架）啦！同埋佢嗰邊除咗外婆湊佢，都仲有好多親戚，好熱鬧，返嚟香港我都係要做嘢，喺長春好過喺香港長時間對住個工人。」

陳自瑤（左）與沈卓盈分別露美腿及香肩。	眾演員為新劇《純熟意外》拜神。	滕麗名笑言難得廠景多過外景。

已為《純》劇開工數天的思貝，則大讚主力對手啟華無論戲裏戲外都很有紳士風度，更笑言合演時感到尷尬，思貝說：「因為佢係前輩嘛。（NG多？）又冇喎，因為暫時都仲係拍啲怕怕醜醜，唔使特別去演。」思貝更透露劇中與啟華關係曖昧，惟未知有否親熱戲份。

滕麗名舒服賺錢

而阿滕則笑言今次劇集拍得輕鬆，在劇中專責調查欺騙保險案件的她，笑言自己廠景多又不需開槍、飛車：「本身我仲買咗幾把充電風扇仔留嚟外景用，依家可以送畀有需要嘅人！我都係第一次咁，好似套劇純粹幫我賺錢咁！」

文：影視組