彭于晏揮低竇驍追掂王珞丹咀嘴

彭于晏是冧女高手，成功氹掂王珞丹並深情咀嘴。

話說劇情交代Eddie與好友竇驍同樣鍾情女主角王珞丹，Eddie出招狂冧珞丹，不惜清晨時分帶她到海邊睇海龜BB出世，趁旭日初升時「偷襲」——來次蜻蜓點水式的定情之吻。由於雙方已是第二次合作，故演來默契十足，就連林導也不禁謂：「當日拍攝，時間嘅把握好緊要，唔可以錯過magic hour，估唔到拍攝相當順利，佢哋兩個都演得好深情、浪漫。起初計劃要拍咀戲鏡頭，我都好擔心，因為唔擅長，心情緊張過平日拍爆破（戲）十倍！」

Eddie談及與珞丹的交往，笑指現實生活未能擦出「火花」，覺得她更似自己兄弟，而珞丹則自嘲皮膚不夠白，難以吸引異性，不過能夠暫時享受被型男Eddie力追的感覺，亦令她樂上半天！今次電影主題曲《你，有沒有過》邀得林俊傑負責，描寫每個人在成長過程的青春歲月裏，所經歷的煩惱、跌撞及考驗，相信會令戲迷產生共鳴及勾起回憶。

彭于晏是冧女高手，成功氹掂王珞丹並深情咀嘴。

彭于晏（右）與竇驍鍾情同一女仔，成為情敵。