楊穎妍海鮮癡 凍蟹做早餐
新城《恐怖熱線》主持楊穎妍（Icy）早前幫朋友試菜，面對成枱生蠔、三文魚刺身、凍蟹、龍蝦刺身、青口，真係口水都流埋！但大多數美食都是生食，令Icy嘖嘖稱奇：「我見到啲生帶子以為打邊爐，原來係生食，我都係第一次咁食。」面對至愛的凍蟹，Icy笑言：「喺屋企食蟹我會食得好麻甩，但如果同啲唔太熟嘅朋友去食蟹，我好少會用手剝嚟食。我都試過食凍蟹當早餐，哈哈。」
Icy最愛海鮮，自爆不時要爸爸去西貢買平海鮮回家烹調，雖然她試過曾因進食不新鮮的海鮮搞到肚屙，無損她熱愛海鮮。Icy還分享食海鮮經驗：「我試過買蟹返屋企食，留一隻第二日食，已經唔新鮮，啲瀨尿蝦都係，第二日會冇晒肉，所以海鮮一定要即食，唔可以過夜！」