馬鼎盛寫下紅線女真實一面
本港軍事專家馬鼎盛昨日在書展舉行書籍講座，他表示書本主要是細說母親紅線女的真實人生，早於去年底推出：「係媽媽過身後嘅一個句號，佢生前要求我幫佢寫傳記，依家盡我所能講述媽媽真實一面畀大家知。」他透露此書從兒子的角度出發書寫，並加入很多私伙資料：「通過我同媽媽幾十年嘅生活，話畀人知道點解佢喺香港嘅事業如日中天，都拋棄呢度嘅繁華，返去中國大陸生活。」
他隨後更引述已故著名填詞人黃霑金句，來講述當年返港生活和發展事業的原因：「點解自己喺大陸讀完大學都重投香港呢個出生地，由住板間房、做報紙4000蚊一個月捱起，因為霑叔嘅金句講得好啱『香港係唔會死錯人』，香港係一個寶地，有新聞自由。」問到有否為《新報》日前停刊結業而感可惜？他說：「冇得好講，老人家係要拜拜。」
