細細粒唔認拖仔

不時被拍到和男友溫馨行街的細細粒（陳嘉佳），日前又被新一期《好報》拍得由男友服侍周到地揀新袋，當日下午5時多兩人現身銅鑼灣，30幾度酷熱天氣下，肥妹仔如細細粒明顯比一般人更辛苦，行了短短一段路即熱到乸口乸面，臉頰紅卜卜兼髮尾微濕，眼見她熱到冇心機，男友識做帶她去買果汁消暑。未幾兩人轉戰商場睇名袋，男方細心地充當品質檢定員，將個袋由內到外一一睇清楚，細細粒有新袋入手，即刻笑番，冧晒。拍拖被攝後，細細粒拒認男友，並於微博表示對方是她助手，更會向人家女朋友解釋。