何浩文冧莊鴨王片酬三級跳

現年26歲的何浩文入行7年苦無出頭機會，今年終憑擔正電影《鴨王》而一「舉」成名，昨日《好報》獨家披露他不停往返中港兩地，4個月內登台足足80場，喪吸480萬人仔（約600萬港幣）！有指《鴨王2》（暫名）即將於年底開拍，導演王晶將再找Dominic做「鴨」，據知片酬由原本的30萬直線急漲至近百萬，多了3倍！

（目及）中韓女星

對此，Dominic亦笑言：「加咁多？多謝晶哥賞識，真係咁高片酬當然會更畀心機做！（最想同邊個女主角合作呀？）想同自己女神、韓國歌星IU合作！不過佢上咗神枱喇，實冇我份！」他又謂樂意與何佩瑜翻撻，並羨慕李治廷可與范冰冰合作。

《好報》爆Dominic內地登台喪吸600萬。	Dominic吸納不少內地女粉絲。	曾推出爆肌寫真的Dominic，吸引富婆邀約出海。

問到王晶是否有意開拍時，他回應：「未傾，最快都9月！（係咪畀3倍片酬Dominic？）佢係我旗下藝人嚟，價錢使乜同佢傾呀！」

Dominic送出簽名相回饋內地粉絲支持。

Dominic擔正落力演出電影《鴨王》，有望參與拍續集。

賣藝不賣身

而Dominic返內地出騷，雖然每次唱一粒鐘，但就舟車勞頓唱到發燒更被Fans摸pat加胸襲，被當真「鴨」。更有內地Z姓富婆掟100萬人仔邀他出海Cosplay做船長任舞，但Dominic揚言自己永不賣身：「上個月推咗之後冇再收過神秘電話，依家凡係冇來電顯示嘅電話都唔會聽，公司電話亦會進行嚴密保安，同事都幫我擋咗啲無聊電話。（如果有人出300萬叫你上遊艇會唔會心動？）唔會！我都係自己搵錢，呢啲『辛苦錢』冇資格賺，我拍戲、唱歌同登台都會賺到。（會唔會想買樓？）我目標係搵到1000萬置業，想喺日本買，最有升值能力！」

文：專案組