荷里活巨星湯告魯斯（Tom Cruise）主演的經典電影《壯志凌雲》（Top Gun）相隔30年後開拍續集，靚佬湯再度扮演型仔戰機機師。而近日有傳他計劃搵英國哈利王子合作，睇中對有10年參軍經驗兼熟悉駕駛戰鬥直升機，對拍攝大有幫助之餘，更兼收宣傳之效，加上靚佬湯本身是英國皇室的超級粉絲，可以同王子合作，可謂公私兩便。據知情人士透露，靚佬湯仲出動與英國皇室相熟的老友碧咸（David Beckham）幫手接洽，諗埋以慈善演出的名義說服哈利，務求志在必得。