外父有「機械人」女婿
葉翠翠前晚與老公Raymond在婚宴上大跳牛仔舞娛賓，兩口子有姿勢有實際，成為宴會上高潮之一！翠翠昨日在電話中透露舞蹈多人讚好，亦是爸爸最喜歡的環節之一：「爸爸話Raymond跳到好似個機械人咁，搞到我都笑咗！我知其實佢都好畀心機去練。」翠翠直認練習時曾懷疑自己骨裂痛得厲害，惟因太忙無暇睇醫生診治！
姊妹團成員李思雅亦大爆台後趣事：「跳成點都冇所謂啦，Raymond又唔係藝人，記得到啲舞步經已好好。佢哋上台之前都仲喺後台rehearsal，好似做緊台慶咁。」思雅亦透露兩口子拍了一條短片細述二人相遇故事，她大讚Raymond交足戲好有天分，又讚他讀愛的宣言時真心直接：「Raymond話有三句真心話補足，就係『老婆永遠是對的！』講咗三次。」
