郭慶彬買慈母寫真撐羅霖

名模伍靜麗昨日為時裝品牌任示範，透露最近迷上自製香水：「我會買香薰油自製香水，如果加埋醋同酒精仲有殺菌功效，自己知成分都用得安心。如果有機會都想發展成為生意。」

而同場的著名形象指導郭慶彬有份參與羅霖寫真集，該書未正式發售已反應不俗，他直言戥對方高興：「佢付出好多，好努力咁搵衫。我地喺韓國拍外景時，我病咗，佢好照顧我，完全感受到佢嘅慈母氣場，我會買十本支持佢。」