鄭欣宜恨父女檔廣告賣舞
鄭欣宜接父親鄭少秋棒任廣告代言人，更重唱經典廣告歌「太陽出來了」，她甜爆被父親讚跳舞好，恨出口望「父女檔」拍住上；至於「退位」的鄭少秋就棄拍廣告轉炒股賺錢，寄言股民要「誓不低頭」。
藝人鄭欣宜昨日出席「位元堂養陰丸」代言人的簽約儀式，大會安排魔術師上演一幕「火燒合約」，嚇得欣宜一額汗。提到父親鄭少秋曾在70年代拍攝過同系列廣告，欣宜在廣告新版本中，重唱父親的經典廣告歌詞：「太陽出來了」，勾起不少人集體回憶。
老竇狂睇大讚
欣宜接受訪問時表示今次成功「接棒」，感覺特別。問可會「父女檔」上陣？她透露曾向廣告商建議：「絕對可以啦，希望下一輯廣告可以啦。（收貴啲？）呢啲交畀佢哋傾啦。」她自爆有將新廣告播給父親欣賞：「佢係咁重複睇，讚我幾好，話我跳嗰啲舞佢都唔識。」她即場炮製靚湯，透露曾煲愛心湯水給鄭少秋品嘗：「好耐之前試過，嗰時媽咪仲在生，因為爹哋唔舒服，佢好感動。」
秋官勉勵股民
另外，前晚鄭少秋、汪明荃、林曉峰、彭家麗及方伊琪錄影《Sunday靚聲王》節目，談及近期股市大跌，他勉勵股民：「冇辦法，叫人誓不低頭，香港人撐住，好似自己咁瘦都撐咗咁耐啦，依家趁低吸納。」
文：音樂組