黎諾懿否認爆粗朱慧敏：希望再合作
有傳黎諾懿拍無綫處境劇《愛‧回家》時與朱慧敏不和，更指女方要求他給尾句入戲，但黎諾懿卻回一句粗鄙說話。他昨日回應：「對住佢唔會講呢啲嘢，始終佢係女仔、拍檔。」對於亦有傳朱慧敏遭同劇演員排擠，他說：「佢都離開咗，影唔到一齊食飯都好正常。」
朱慧敏亦否認事件，指已曾就類似傳聞作回應：「自己回顧《愛‧回家》係拍得好開心嘅，係我入行十幾年從未試過嘅一個經驗，好感恩有呢個機會，同班同事相處都學咗好多嘢，希望將來再有機會合作，拍更多劇畀大家。亦都祝福新一季更創佳績。」
有指《愛‧回家》將朱慧敏與男友彭懷安婚事延期擺上枱，彭懷安稱：「公平啲講句，都唔可以怪TVB，我都有拍劇(口架)，都知佢哋一個月前收劇本，純粹巧合。（有傳黎諾懿言語上欺負朱慧敏。）其實唔同劇組有唔同文化，只可以講呢件事令朱慧敏學咗好多嘢，其他就唔評論。」