陳凱琳裸泳問准鄭嘉穎

蕭正楠、陳凱琳、田蕊妮、鍾嘉欣昨日出席《巨輪II》的造型活動，演員中大部分都是《巨輪》舊班底，而新加入的陳凱琳則以大露背裝示人，據知，劇中她會跟蕭正楠有感情線，二人更會於十一月到日本拍外景時上演雙雙裸泳的場口，對二人說是大膽嘗試。陳凱琳對此場戲都有點擔心，始終未做過，她接受訪問時謂：「呢場戲好顯示角色性格，除晒衫落水係紓緩壓力，冇色情或誘惑，到時自己會打晒底，同埋夜晚拍唔會睇到啲乜。」她又坦言有跟父母說有此場戲，更向男友鄭嘉穎備案，她謂：「我應承父母所有嘢會安全，我都有同嘉穎講劇情，佢都有幫我聽吓劇本，睇吓我有乜新演法，佢聽到我要拍裸泳戲時起初都有擔心，但佢都好信得過監製，所以ok嘅！」

「露股」同女友備案

而蕭正楠亦打趣謂：「咁！嘉穎會唔會嬲我o架！最多我游遠啲囉！」被問到若要「露股」需否向女友黃翠如備案時，他笑謂：「唔使！個股我自己o架嘛！不過尊重佢都同佢講聲。不過我有信心大家睇到都食得落飯。」問到陳凱琳嘉穎會否會否到沖繩探班？她謂：「應該唔會啦！」

蕭正楠談到與陳凱琳的裸泳戲份，笑言擔心激嬲嘉穎。	鄭嘉穎	《巨輪Ⅱ》大部分演員都屬舊班底。

阿田封Grace「視後」

而田蕊妮角色承接上輯會嫁給阮兆祥，問她是否有信心再奪視后？她即謂：「陳凱琳就真係『視後』喇！我視線離開唔到佢背脊！」而鍾嘉欣、陳展鵬今次只屬客串性質，之後隨劇組到沖繩拍攝，順道旅行。

文：影視組