黃佩霞生日不忙行善
名模黃佩霞明天正日生日，前日與一眾友好提早慶生，她說：「今年『大冧巴』，50歲啦，爸爸媽媽同妹妹，仲有好多親戚都嚟晒香港，所以老公（Ryan）決定幫我搞生日，佢仲炮製咗個影片，輯錄我由細到大嘅成長過程，仲搵朋友即場作廣東話翻譯，好感動。」
前晚出席的好友包括有名模馬詩慧、琦琦與女兒任晴佳、陳嘉容、張筱蘭和洪華，還有藝人周麗淇、伍詠薇、蔡一智與太太等，共六十人，她一早叮囑朋友不用送禮：「我同老公之前去緬甸，知道仰光有間學校缺錢修葺，依家仲欠兩萬美金（約15萬6千港元），我哋好想幫忙，所以叫啲朋友唔使送禮，希望佢哋將心意捐做慈善，一個生日會就已經籌咗幾萬蚊。」
