鍾麗淇偕女遊船河想帶氧氣樽
正能量媽咪鍾麗淇（Margaret）的四歲女兒患有罕見基因病，昨日Margaret現身活動時透露日前帶女兒遊船河，初時擔心得想帶備氧氣樽同行，但被老公出言阻止，又指女兒雖然不良於行，但最近正學習游水，享受做普通孩子的樂趣，她呼籲特殊孩童的家長不應過分緊張。
昨日三位靚媽咪鍾麗淇、童愛玲及楊婉儀出席兒童慈善活動，懷有第二胎的Margaret表示現已懷孕20周，雖然已知ＢＢ性別，但就不肯透露以保持神秘感。提到早前她跟另一大肚婆湯盈盈遊船河，她笑言兩人玩到忘形，忘記自己有孕在身，要老公提醒她行動慢點兒。至於患有「四號染色體缺損綜合症」的女兒Isabella也有同行，她坦言初時為此十分緊張：「因為遊船河要去6至8個鐘，我有諗過使唔使帶埋氧氣樽畀囡囡以防萬一，老公話唔使咁緊張，而船長都好好人，只係駛離岸20分鐘遠嘅海域；其實就算係特殊小朋友都係小朋友，有時係啲家長太緊張，所以做家長要放鬆啲，好在我有老公平衡。」
Margaret稱女兒喜歡水，最近更學游泳，她自言最初有想過女兒連走路也不穩，如何游水？但女兒上了幾堂游泳課後進步不少。問到大女是否知道自己將為姐姐？她笑言：「佢只係覺得我肥咗，未必知我有咗，但多個小朋友都好，有比較，佢會進步快啲，生多個畀佢當玩具。」
童愛玲要兒子多運動
至於童愛玲自爆兒子因病未能陪她出席活動，她懷疑對方因太操勞而中暑：「佢之前參加sport camp，由朝早九點半至下晝三點半，之後又去游水，連續四日係咁，跟住就發燒。（以後要減少啲？）唔得，男仔要訓練多啲，依家佢哋太幸福。我已經安排好囝囝暑假每星期打三日籃球三日足球。」而早前她被拍到購買嬰兒用品而惹來大肚疑雲，她否認有孕，笑言純粹是美麗的誤會。
文：名人組