諸葛耳膜滲血照撐囝囝
名模諸葛紫岐（Marie）昨午為旗下藝人呂晶晶和新人黃倩婷（Cindy）在中環慶祝生日，同場還有莊端兒和剛轉到Marie旗下的前HotCha成員黎美言（Winkie）等，一行七人不時乾杯自拍，又唱生日歌及切蛋糕，氣氛熱鬧。
早前患感冒仍飛來飛去的Marie，自爆耳膜滲血，但她仍堅持出席囝囝的學校活動。對於早前莊端兒行泳衣show大晒美好身材，Marie說：「端兒着泳衣效果好好，又有自信，身材唔使講。不過唔會幫佢哋出寫真，費事同啲妹妹鬥啦。」Marie又恭喜本月4號生日的Cindy獲男朋友以99支玫瑰冧掂求婚成功，不過Cindy話：「唔會結婚住，（30歲先結婚？）冇傾呀，順其自然啦，不過唔會有咗BB先結婚。」
呂晶晶冇收舊愛祝福
問到晶晶舊愛、前亞視高層盛品儒有否送上生日祝福？晶晶笑言：「冇呀，佢應該都唔記得。」談及亞視正重整旗鼓，晶晶表示沒收到任何邀請，但也有興趣拍電視劇。
另外，Winkie對於好姐妹張惠雅（Regen）日前遇電話騙案，Winkie笑言Regen一時胡塗，不過好彩她識得報警。
文：名人組