衛詩雅向林嘉欣偷師
林嘉欣與導演袁劍偉「夫妻檔」合拍英皇電影《暗色天堂》，拍攝過程順利，開鏡不足一個月便「超額完成」，台前幕後更建立深厚友誼。繼早前為7月生日的男主角張學友於片場慶生外，劇組更筵開5席舉行煞科派對，惟學友因事未有現身，可謂美中不足。
有份參演該片的衛詩雅坦言獲益良多：「真係日日有嘢袋落袋，我好留意導演點教嘉欣同學友演戲，自己就喺後面偷師。試過有日冇我份拍，但知道嘉欣有場好重要嘅內心戲，我都返現場學嘢。」今次詩雅孖住嘉欣扮基督徒，令她開始對研習聖經產生興趣：「仲試過同嘉欣一齊返教會，感覺好特別。」