Jeana莊思敏 「胸」狠 雨僑「背」多Fun
夏日熱辣辣，女星們都紛紛出海避暑！昨日，蕭定一帶同一班索爆女星開船P，當中以莊思敏、雨僑及何佩瑜（Jeana）最為性感，個個都穿上三點式泳衣大晒驕人身材，互相「廝殺」上演鬥波大戰！
近日天時暑熱，一眾女星都紛紛大解放，騷Quali之餘更大派冰淇淋！莊思敏昨日在網上晒性感照露事業線，原來她與唐貝詩、雨僑、Jeana、蕭定一等人到西貢玩水，事後眾女星都有上載合照。當中莊思敏、雨僑及Jeana都穿上比堅尼，個個變出水芙蓉，驕人身材呼之欲出，雨僑更大晒自己的迷人背影照！
老闆玩即興
同場的Jeana透露老闆阿一約大家玩番餐：「阿一之前1日玩即興約人，大師兄張智霖因為要開演唱會嚟唔到，不過唔緊要，可能第時我哋再搞生日船P。（咁多女仔邊個身材最好？）嘩，各有各好啦，有長髮有短髮，皮膚有黑亦有白，阿一兩歲半個女先係『是日焦點』。」據悉，今次乃阿一公司及周秀娜經理人公司合併後首次聚會耍樂，阿一更「豪包」整日使費，船河後再拉隊往西貢食海鮮，氹得大家開心不已。
文：專案組