梁雨恩打救唔到薛大少

歌手梁雨恩（Cathy）與黃芷晴昨日於大埔超級城出席《小白獅50周年祭珍藏館》揭幕禮，對於被指跟Neway大少薛世恒密會，Cathy指兩人乃好友兼教會弟兄姊妹，當日為慶祝她贏得飛鏢比賽季軍，才相約吃飯，又稱事後跟對方談到被傳媒拍照，她笑道：「佢話好平常，冇乜所謂，朋友食飯，叫我照直講，真係難為咗佢，因為佢信咗主，想過新生活。（追到你就有新生活？）有啲係人打救唔到，要神打救，但我都欣賞佢，佢好愛主。」