曾參選港姐的「牛雜妹」李美琪（Monnie）及前亞姐筱靖，前晚到旺角出席電影首映。Monnie稱未扑錘簽經理人公司：「仲傾緊，有消息會話畀大家知，暫時家姐同朋友幫住我先。（有興趣參加亞視全球主持招募？）暫時冇諗，想專注番傾緊嘅公司先。」
筱靖亦表示暫不打算參加亞視全球主持招募：「有舊同事搵過我，但我想做番依家做緊嘅（咖啡）生意多啲，等佢哋搞資訊節目再考慮係咪返去。」
