著名時裝設計師Marc Jacobs曾公開指社交網站十分恐怖，但月前又忽然加入Instagram，頻頻出Post玩個不亦樂乎。前日他就玩出禍，錯手上載下半身的裸照，相中的他疑在家中衣櫃前剝底褲，晒「雀」又晒籮，並留言：「呢個畀你試吓！」，似在跟另一半調情，但當發現自己（火羅）咗即刪除照片，可惜短短數十秒內已被粉絲Cap圖放上八卦網站，亦有多位粉絲讚好，最終這張半裸照任人欣賞。Marc似乎未受事件影響，繼續上載其時裝系列新相。