藝人楊思琦、張家瑩及劉家聰昨日出席獅子會名車巡遊活動，思琦透露正考慮考電單車牌，但遭母親反對。近日忙於拍攝寵物節目的她，笑言三歲大的囡囡楊卓穎要求與她一同上班：「佢知我要返工，就同我講『媽咪，我又要返工』，如果有適合嘅工作，都可以帶嘅。（畀佢出鏡？）未試過，有機會先。（母女檔拍廣告？）可以考慮，帶小朋友出嚟，可以令佢見識多啲。」而張家瑩則透露剛與家人到美國旅行兼出席弟弟的畢業禮。
