李國祥催眠幫人解心結
歌手李國祥當年和劉小慧、黎瑞恩雖屬不同的唱片公司，但因同期出道而成閨蜜，昨日李國祥接受電話訪問時，直認跟小慧及黎瑞恩拍節目，問他是否到黎瑞恩的豪宅拍攝，他大方謂：「係呀，（間屋有16間房好大喎？）攝影師拍得好，角度問題。」
李國祥透露在節目中會以催眠師身份做主持，他說：「我呢幾年做好多慈善工作，認識咗心理催眠師，覺得催眠可以幫到人，所以我讀咗兩年催眠，依家有開班教學生，我唔係為錢，因為我細細個爸爸就過身，個心結好多年都解唔到，但心理催眠幫到我，因此我想幫番人。」此外，入行27年的他，將於9月26日假旺角麥花臣場館舉行首個個人音樂會。