黃翠如全部蟹貨焗住再坐
昨日股市大幅波動，恒生指數一度跌逾千點，不少「星級股民」亦有損失，其中黃翠如一直持有「蟹貨」，股價上落對她而言影響不大，只是蝕多蝕少的分別！此外，漫畫家祁文傑自爆誤信人言，曾於金融市場損失逾千萬。
不少藝人都愛投資股票，昨日恒指曾一度急瀉過千點，其後跌幅收窄，收市亦下跌696點，身為「星級股民」之一的黃翠如就坦言有因此而蝕錢：「我啲股票都擺咗好多年，之前由蝕七成變蝕五成，依家咪又變番蝕七成！」不過她謂會繼續持貨：「唔會郁佢喇，由得佢生長。」
吳若希失六位數
日前自爆買股票勁賺六位數的吳若希透露手上現時持有的股票全為港股及細價股，這次受小股災影響，損失近六位數，意味着早前賺的錢幾乎打平：「不過依家揸喺手嗰啲都係諗住長揸嘅，所以都唔擔心！」
至於從不涉足股票的蘇永康，就透露兩個多月前重播電視劇《大時代》期間，有證券界朋友邀請他加入電話開的股票群組：「大部分都係啲大莊家吸引啲年輕少女入去，我就話免喇！其實當股票去到有群組，已經亮起咗嚴重警號，等於以前話，牛頭角順嫂買股票你仲唔走？」他又謂身邊很多朋友近日亦受小股災影響，所以想呼籲大家「回頭是岸」。
祁文傑曾蝕千萬
而手上持有小量股票的漫畫家祁文傑就表示暫不會沽貨，因為全是平穩股，又透露多年前曾投資股票、樓市及畫作，在股票方面試過有數以百萬計的損失，更曾因誤信他人，在金融投資方面損失過千萬！
一向投資有道的薛家燕則表示大部分的股票早已在合理的價位放掉，現時手上只持有港交所的股票，所以昨日的波動對她未有太大影響。
文：音樂組