牛雜妹床戰張建聲初吻「鼻」忌

「牛雜妹」李美琪與蕭定一傾簽約雖未作實，但昨日處女拍劇時她已經與蕭定一旗下藝人張建聲以師兄妹相稱！戲中兩人雖在床上親近鼻貼鼻，但張建聲嫌未夠喉欲奪師妹螢幕初吻：「我當年何嘗又唔係畀人猴住！」而「牛雜妹」就誓要「封嘴」，極力死守處子之身：「唔想人哋覺得我好似啲o靚模咁！」

張建聲關照師妹Monnie之餘，又教她做演員要「襟撈」。

藝人張建聲（Justin）和「牛雜妹」李美琪（Monnie）昨日在西貢拍攝翁子光執導的愛情短劇《筆談情．紙說愛：余迪偉愛情劇目》。早前與蕭定一會面傾簽約的Monnie，就坦言事情仍在洽談當中：「機會大唔大就賣個關子先，之後你哋就知。（即係幾時？）我相信係短期內。」雖然如此，但她已經叫定Justin做「師兄」，而對方就稱她做「師妹」，相信加盟蕭定一公司成數極高。據知，蕭定一亦有份投資拍攝此短劇，故此劇可能是針對Monnie正式簽約前的試金石。

未準備性感

雖然Monnie曾表示學過戲劇，但今次是正式在鏡頭前處女演出，問她有何感覺？她坦言初體驗感覺特別：「Justin都好關照我。」問Justin覺得對方表現如何，他謂：「OK喎！如果第一次拍嘢嚟講。我聽講佢可能做我師妹，有呢個師妹都好開心。」問有否親熱戲份？Justin笑謂：「好可惜！冇呀！師妹個螢幕初吻都未奉獻到，但第一次做演員嚟講已經好大膽，有啲面貼面嘅鏡頭出現。（已經猴住人哋初吻？）我當年何嘗又唔係畀人猴住！」