謝安琪唔過問 畀嘉穎空間

歌手謝安琪（Kay）、黃家強等前晚亮相無綫節目《明愛暖萬心》，提到鄭嘉穎和陳凱琳（Grace）認交往，Kay指拍攝《殭》時未有過問，她笑道：「恭喜，學嘉穎BB嗰句，畀多啲空間佢哋，出新聞後，我都特登退後啲，希望畀多啲空間呢棵小樹苗發展。」
Kay笑住恭喜嘉穎的新戀情。
Kay笑住恭喜嘉穎的新戀情。

有傳因黃貫中太太朱茵追仔導致Beyond重組開騷撻Q，對此家強說：「男主外女主內，應該唔關事，唔好咁屈佢哋。」他又斬釘截鐵重申Beyond不再復合：「再問都係冇，以後都冇！（擔心歌迷失望？）擔心係早幾年，以至早兩年前，一路都擔心緊，一路都想重組，想開開心心夾呢隊band，歌迷亦諗好多嘢，但依家歌迷幫唔到，我哋都幫唔到歌迷，根本唔會成功。」

黃家強現身無綫的記者會。
  • 黃家強現身無綫的記者會。