Kolor街頭快閃 開騷慶合合

敢於嘗試的樂隊Kolor日前於銅鑼灣軒尼斯道進行了街頭表演《Hennessy Band Tour快閃活動》，在二十多三十度的高溫下，近半百位死忠粉絲仍堅守原地，陪偶像一邊流汗一邊唱。主音Sammy（蘇浩才）亦笑言被深深打動：「啲觀眾投入又有反應，搞到我自己都好high，好有互動！」

只求知音

對Kolor而言，一班熱情觀眾可謂最大支持，他們事前更揚言今次快閃只求知音：「不需舞台，不需燈光，但求知己！」面對首次跟樂迷零距離接觸，表演經驗十足的結他手Robin（羅灝斌）直言緊張：「開頭有啲唔慣啦，前一晚都有諗下會有幾多人嚟睇、會唔會畀人趕、阻唔阻到人呢啲。」

在場的音響、播放設備非常充足，像個流動的小型舞台一樣！不過被問到街頭騷跟舞台有何分別時，他們就直指因器材問題，選歌方面稍有限制：「始終唔係一個full嘅band set，揀歌方面都有啲限制，都好彩今次效果出嚟都好好！」

徒手打鼓

而鼓手Michael（朱偉初）亦笑言打木箱鼓打到手痛：「我今次打緊嘅唔係平時嘅drum set，而係冇鼓棍，真係要用手打木箱鼓，真係打到我手都痛！」至於，後期加入的低音結他手阿星（謝日昇）亦表示希望Kolor未來會有更多的第一次，並且有個新開始！

文：鄧倩兒　

攝：樊愛慈