施祖男否認劈腿 復合睇緣分

施祖男（Vinz）、趙碩之（Wylie）、周美欣及古天祥等，日前在紅磡拍攝法國電影《Love is Everywhere》。當中與邵美琪分手後久未露面的Vinz就破例剖白他與對方的關係。對於分手原因，Vinz直言雙方有感做朋友更合適才轉變關係。他直言兩人是和平分手，更保持聯絡：「關係上有變，唔代表一定係變差！（有聯絡？）我哋oko架，咁（大家）唔係唔開心吖嘛。」

拍拖約三年

談到Vinz被傳因劈腿、經濟不獨立才致分手？他激動地否認：「我以前未拍拖都係經濟獨立o架啦，又唔見我餓死咗！我餓死咗就唔會生存到拍拖嗰分鐘啦！」對於六年情玩完，Vinz澄清與邵美琪拍拖約三年，並非外傳的六年。而他亦不諱言雙方依然互相關心，感情事要睇緣分，對於復合的可能性就不置可否。

施祖男稱與邵美琪和平分手，依然互相關心。

施祖男拍攝動粗場口，出力壓古天祥的頭於枱面。

出手護女友

其後Vinz於現場與古天祥等人拍攝吵架及動粗的場口，不甘戲中女友周美欣被「睇蝕」的他猛然將古天祥的頭部壓於枱面，令身旁的趙碩之嚇至「O嘴」。而停機後周美欣又趁機搞笑地重演日前掌摑施祖男的戲份，令他哭笑不得。至於Wylie就笑言拍畢電影後即飛溫哥華陪男友度假。感情穩定的她直言可以考慮談婚論嫁，又自爆日前與男友拍拖一周年就驚喜收花。

文：影視組