黃家強氣餒離場 Beyond已逝

剛剛推出新碟《沉香》的歌手黃家強日前就接受了東網電視《娛樂onShow》主持人Angela的訪問，大談一生最痛莫過於哥哥的離去，更指這個傷口是永遠無法治愈：「呢隻碟主要係講自我療傷，其實唔止講我，好多人經歷過唔多唔少嘅挫折。（咁一生中令你最難過嘅係愛情、親情定友情？） 咁當然係哥哥家駒嘅離開，我當時覺得變得好孤獨，世界好似得番我一個咁。但其實呢個傷係永遠都醫唔好，不過失去佢嘅痛可以令我好急促地成長，學識點樣面對自己嘅人生。」

無意重聚

對於前樂隊Beyond成員之一葉世榮有意重組Beyond開騷紀念黃家駒，家強更決絕表示Beyond經已完結，並指沒可能重聚：「Beyond完咗o架啦！其實最經典嘅歌，全部都係由黃家駒作，所以不如將呢份榮耀畀番佢。我嘗試咗好多次將呢份榮耀延續落去，但我最後係氣餒地離場。」

無意重組Beyond的黃家強指組合已完結。

黃家強向主持人Angela剖白心底話。

學識忍讓

而談及與黃貫中（Paul）的關係時，他就直指對Paul的情感只是建基於Beyond上，並坦言因為Beyond才令他學懂忍讓：「個份情其實係Beyond身上，係Beyond先令我無條件咁付出，係因為Beyond令我學識忍讓，係因為Beyond令我咩都冇所謂。但當我可以放低Beyond呢個名嘅時候，我就唔想去理咁多其他人嘅嘢！」想知更多家強的心底話，就要留意東網電視《娛樂onShow》！

文：專案組