梁靖琪打拳放電 唔吼大隻仔

「大隻妹」梁靖琪雖然令老竇梁家樹睇見擔心，但她卻自得其樂，樂此不疲每日健身及練泰拳，她說：「我性格唔可以停低，自從健身打拳後，個人反而定咗落嚟，可能自己太多能量，健身、打拳可以放晒啲電，連講嘢都淡定啲。」迷上健身的Toby現時單身，那麼揀男朋友是否情迷大隻佬？Toby說：「又唔使大隻，不過，同我有共同興趣就最好啦，依家都冇諗拍拖，順其自然啦。」

不再執着

Toby在剛播畢的無綫劇《潮拜武當》中演張頴康的保鏢，兩人在劇中由歡喜冤家變成一對，她說：「同張頴康識咗十年，劇裏面有咀戲，拍嗰陣大家都喺度笑，自己怕醜，同熟人反而冇咁尷尬。」Toby最深印象是去了地靈人傑的武當山拍了三個星期外景：「武當山好有靈氣，去到個人會好平靜，好多嘢都睇開啲，其實自己近年都改變好多，呢幾年經歷咗好多事，以前會好執着，依家放開咗。」

梁靖琪經歷多了，沒過往的執着。	梁靖琪近期練得一身爆肌，變成大隻妹。	在《潮》劇中，梁靖琪與好友張頴康合作，並有不少武打戲。

演戲開竅

入行十年的Toby覺得外表上變了是「大隻妹」，內在則變得簡單，凡事不再執着，早前在內地拍內地劇對演戲更有開竅感覺：「我覺得呢行愈嚟愈有趣，希望可以演更多唔同角色，想演女人啲嘅角色。」

採訪：影視組

髮型：Base Luk@iHair

化妝：Vinci Tsany@vwmakeup