B.Gs保牛命泰有善心
女子組合B.Gs早前到泰國旅行，其中一日導遊帶她們到訪一個宰牛場，她們看到即將被劏的牛不禁產生憐憫之情：「我哋見到有兩隻牛真係喊，同埋十二點就會劏牛，我哋去嘅時候係朝早，餵嘢食畀佢哋都唔食，佢哋仲係咁搵個頭撞啲柱，嗰度啲人話捐錢就可以幫到啲牛。」
最後各成員平均捐出五位數字的金額買下四隻牛，再將牛隻送給當地的農民，協助他們耕種，B.Gs表示從沒想過去旅行亦能做善事。不過她們強調B.Gs並不迷信：「只要同善事有關嘅嘢我哋都願意參與，好似點平安蠟燭又可以捐錢，咁我哋就去做！」
