劉佩玥有火企穩娛圈

被無綫點名力捧的劉佩玥（阿Moon）憑電視劇《四個女仔三個Bar》嶄露頭角，她表示其實自己從未想過參選港姐入行，大學電影系畢業後的阿Moon想用一、兩年時間闖蕩，做些跟所讀專業完全無關的事，所以選擇做空姐，她說：「啱啱畢業，唔想放低屋企去working holiday，所以就去做空姐，可以周圍飛，去玩吓，有好多得着，原本計劃做一年，不過都做多過一年，有諗過之後做番製作，後來畀港姐poster影響咗，又覺得時機啱，所以誤打誤撞入咗港姐，有冇獎攞就更加唔敢諗。有人話係命運驅使，我好肯定呢個絕對係我一個重要嘅里程碑。」

幕前幕後都想試

私底下的阿Moon是個成熟，而且目標明確的女生，她說自己未發過明星夢，只有發「電影夢」：「我好記得自己第一套接觸嘅電影係《仙樂飄飄處處聞》，係爸爸媽媽帶我睇，裏面嘅歌、影、視覺效果對我都好震撼，我就被電影光影世界吸引，所以讀書時有玩drama，大學時又特登讀電影，希望讀完之後可以做電影幕後工作。」雖然現時多了演員身份，但阿Moon對參與製作的火仍然未熄：「我以前真係想做幕後、做製作，但係依家變咗做演員、做主持，發現自己喺台上做表演都開心嘅，所以幕前幕後兩者都想試。」

採訪：專案組

攝影：吳文聰

服裝：Bread n Butter

場地：Topiary