「嫲嫲級美魔女」戴蘊慧（真真）昨日到電台接受劉美娟訪問，她坦言無意推出寫真集：「咪搞啦，我同羅霖唔同，同埋我唔鍾意美魔女呢個名，聽落似中年以上，雖然我已經46歲，但我唔夠美又唔夠魔，我係唱作人，始終我係音樂世家，寧願啲人叫我煮飯婆好過。」對被封為「最靚嫲嫲」，她說：「唔係最靚，只係結婚、生小朋都早，唔敢當！」
早前本報獨家披露真真賣樓成功賺千萬，她坦言一向有作投資，現暫住公寓式酒店，為了寵物會在沙田、大埔、西貢物色大屋。
