獲無綫力捧 黃翠如孭3檔「回家」有壓力

藝員黃翠如、張繼聰、麥長青、錢嘉樂、龔嘉欣、楊秀惠、李佳芯、張秀文等逾半百藝員昨日在將軍澳電視城出TVB Amazing Summer活動介紹暑假新節目，包括新一輯處境劇《愛．回家》、劇集《鬼同你OT》及節目《東京攻略》、《超強選擇1分鐘》、《四個小生去旅行》及到北韓拍攝的《在那遙遠的地方》。

張繼聰呻胃痛

翠如除了孭飛新一輯《愛．回家》外，還會與草蜢、錢嘉樂、森美主持節目《超強選擇1分鐘》並送出300萬獎金，又與林盛斌主持《我係小廚神2》，講到最受公司重用？翠如笑說：「唔係，其他主持今日冇嚟啫，自己最緊張係《愛．回家》，都有壓力o架。」講有指其好友洪永城陷入四角戀？她笑說：「佢啱啱喺北韓返，最緊要佢開心，同佢講電話佢依然好開心。」

張繼聰（前排右三）與一眾藝人介紹暑假檔新節目，並笑言緊張劇集收視而胃痛。	區偉林澄清無綫藝員流失的情況未致於惡劣。	曾合作拍《醋娘子》的吳卓羲和胡杏兒正洽談續約事宜。（資料圖片）

張繼聰表示新一輯《愛．回家》接軌順暢，但講到收視他則笑言即時感到胃痛，會努力做好演員本分，對劇集有信心，不會失禮一班《愛．回家》前輩。

杏兒有新計劃

無綫助理總經理區偉林主動回應近期被指藝員流失，他澄清情況並不是所指惡劣，無綫當然重視藝員，並透露歐陽震華已經續約，稍後將會開工。區偉林被問到吳卓羲與胡杏兒的續約進展？他說：「好難講，早幾日同吳卓羲傾緊，對話係友善融洽，短期內佢會畀個答案我哋，就算佢唔同我哋簽經理人合約，並唔代表唔簽部頭合約，合作係樂觀嘅。杏兒等緊佢返嚟再傾，之前佢表達過有啲人生計劃、事業突破。（計劃結婚？）咁要問佢，我哋估呢個都係重要因素。」

文：影視組