莊思敏開中門hot鬥趙頌茹
莊思敏與趙頌茹盛裝打扮出席美甲活動，前者「中門大開」、後者露腰tube dress上陣，兩女更齊晒長腿，hot爆現場！
莊思敏早前與沈震軒「拖手仔」拍照，隨即傳出緋聞，想不到轉頭沈震軒被拍得與唐詩詠撐枱腳食糖水，加埋洪永城形成「四角戀」。昨日莊思敏被問及此事笑答：「我同沈震軒只係好朋友，絕對冇拍拖，但唔清楚佢同唐詩詠嘅嘢。佢異性緣唔錯，因好識照顧人。（冇可能發展？）機會微啲囉，但六合彩都有人中嘅。（八佢同唐詩詠？）佢喺日本喎，等遲啲一齊做電影宣傳先啦，不過到時可能講到結婚生仔嘞。」
新書押後出版
趙頌茹月前曾表示想推出親子書，但要向現實低頭，透露要押後新書出版日期：「仲要補文同相，依家好佩服啲作家，文筆思路好好。（書中寫埋前夫嘅嘢？）唔會，過咗去無謂提，講吓開心事，等囡囡大咗有個回憶。」即將到來的暑假，她未有計劃帶囡囡們出埠：「多病菌嘛，但會安排佢哋去學游水。等細女返學之後，我想出番嚟拍吓嘢。」
文：影視組