呂方蜜運晒靚聲 邀汪明荃華麗轉身
呂方事隔四年再踏紅館開騷，承認再拍拖的他預告屆時將會與汪明荃上演一幕「雙人版華麗轉身」，玩轉舞台，而個唱亦會以靚聲為主。呂方又大呻好兄弟梁朝偉扭計，拒開金口唱歌，平日只會聽歌陪笑！
闊別紅館四年的呂方將回歸紅館，在9月4至5日舉行兩場《呂方代表演唱會》，他昨日與個唱音樂總監倫永亮出席記招，兩人更即席合作獻唱一曲。呂方今次會夥拍香港流行管弦樂團，以三面台演出。問呂方到時可會騷舞技？他說：「今次以靚聲為主，但如果觀眾想睇我跳就要認真練，因為我愈認真跳，觀眾睇得愈開心。」
怨梁朝偉封口
呂方透露已邀請汪明荃任表演嘉賓：「我當年參加歌唱比賽就係佢做主持，佢鼓勵我叫我唔使緊張，一直想同佢合作。」呂方又讚汪明荃工作認真和專業，更謂到時會跟她在台上玩「華麗轉身」：「佢到時轉住咁嚟，我就轉住咁走交個台畀佢，咪唔使跳舞囉。」問呂方會否邀請梁朝偉等好友做嘉賓？他說：「偉仔好衰，依家唔肯唱，我同杜德偉平時唱歌佢只係喺旁邊笑。」
問女友會否捧場？呂方說：「咩女友？」記者稱是早前被傳媒拍得的女伴，他說：「影到嗰啲唔係真。」其後就承認有女友，但不肯透露對方身份，只稱：「佢叫呂小姐，係圈外人想低調啲。」
修改個唱海報
另外，呂方稱個唱海報的背景為歌劇院天花板，當中有赤裸上身的維納斯女神像，因此在港鐵的廣告要用陰影遮去裸露部分。
文：音樂組