陳婉衡E Cup胸器驚變火球
擁有E Cup導彈的無綫主播陳婉衡（Alycia）昨日爆胸出場，以Cosplay開胸裝出席動漫節記招，成功大搶「峰」頭。但期間Alycia緊張得令雙峰通紅猶如「火球」，相當誇張！
近期被封為「新咪神」的無綫主播Alycia，昨日Cosplay《蝙蝠俠》遊戲中的小丑女一角，出席《第17屆香港動漫電玩節》記招，宣布活動將於下月24至28日舉行。Alycia以Smokey Eyes及紅唇妝上陣，但仍不及其胸前開窿服裝搶眼，其35Ｅ驕人胸器破衫而出，大騷５吋深坑！雖然同場尚有幾名打扮性感的Game Girls，但Alycia依然「峰」殺全場！
小丑女要夠奸
未知是否咪咪尚未「見慣世面」，Alycia回答有關身材問題時，緊張得「面都紅晒」，心口更誇張得變成通紅「火球」！問到是否覺得造型很性感？她說：「都性感o架，跟番故事原著。但好安全嘅，我黐晒膠紙，又有nude bra。最開心係第一次正式Cosplay，之前見人玩，但自己搵唔到原因去做，就算萬聖節都冇試過全妝！今次演呢個係小丑女友，屬奸角，已經盡量演繹得奸啲、Dark啲。」
新咪神認單身
對被封為「新咪神」，Alycia笑笑口表現得相當受落，亦直言不介意外間只注意其身材，甚至想行內衣騷！她說：「工作需要係ok，平時我都唔會性感打扮。（行泳衣、內衣騷？）都ok，但依家未有客戶搵我，我又唔會特登去Show。（男友介意性感？）依家冇（拍拖），就算有，相信佢都會接受係工作需要。」
文：影視組