陳奕迅見證求婚錫晒老婆
歌神陳奕迅（Eason）昨出席活動宣傳新碟，現場一名男歌迷向女友求婚，令Eason非常感動：「第一次咁近距離見人求婚，感受好深，好Sweet。早知有人求婚，就着圓領恤衫扮牧師啦。記得要錫老婆，錫老婆會發達。」問Eason是否錫老婆徐濠縈？Eason隔空發表愛的宣言：「都係，係應該嘅，例如出入幫手開門、拉櫈。」
現場首播謝霆鋒為Eason操刀的新歌《起點‧終站》MV，Eason表示今次刻意找來霆鋒當年MV的拍攝班底：「好似舊生聚會，呢首歌好啱霆鋒唱，因為好Chok。」Eason將到台灣出席金曲獎頒獎禮，有份角逐「歌王」的他睇好偶像張學友得獎，並指屆時將上台獻唱林憶蓮、學友、黎明等的金曲。