杏兒怕溶妝拒水底成婚

無綫藝人胡杏兒昨日現身「珠海長隆海洋王國」，以代言人身份為樂園一連三日拍廣告，吸引大批途人圍觀、拍照，她亦友善地向粉絲揮手打招呼。

帶仔探動物

提到內地真人騷《奇妙的朋友》也在該處取景，杏兒透露曾在水族館潛水：「之前為節目考潛水牌，我潛過最深就係呢度，同啲大魚一齊游都幾驚，但都好難忘。（同鯊魚一齊游？）有，都驚，不過佢哋係素食。」自言最驚蛇的她又稱，曾在節目中頂硬上，將一條七米長的蛇放上頸。

怕溶妝的杏兒不想搞水底婚禮。	杏兒現身，吸引大批途人圍觀。	杏兒與男友Phil對結婚已有共識。（資料圖片）

問今次酬勞如何？杏兒表示：「梗係好，有七位數，唔係只係講錢，做代言人好開心，依家係VIP唔使排隊。」她坦承早前帶男友Phil和姨甥來探動物，問會否在此結婚？她笑道：「好遠。（水底婚禮？）個妝會溶晒！都係簡單啲，如果係嘅話。（傳年底結婚？）未。（有傾過？）唔係話完全冇傾，大家都唔細，又唔係廿幾歲，大家知道有乜目標同諗法。」

讚無綫厚待

對於有傳七月將滿約無綫，杏兒謂：「差唔多，暫時仲係公司嘅人。（七月就唔係？）未知，公司對我好好，一路幫我接工作，之後會去北京拍劇。（續約無綫機會大？）有乜消息到時會話畀大家知。」