霍啟剛囝囝識做冧暈爺爺

歌手許廷鏗與霍啟剛，昨日出席第26屆五角大學賽開幕典禮。霍啟剛透露前日父親節，一家四代同堂度過，還大讚兒子好識做：「佢好黐爺爺，仲攬住佢唔畀佢走，老人家好開心。」問到何時會努力「造人」，他笑言：「順其自然，希望都會有。（老婆隨時準備好？）你要問番佢喇！」

而重返母校的許廷鏗則表示，學生時期是足球隊成員，比賽時更獲不少女粉絲打氣：「嗰時都幾威，有啦啦隊打氣，踢都踢得起勁啲！」提到有報道指胡鴻鈞約滿後會帶其過檔，他否認：「依家都做得幾開心！」問到他可有關心好友吳若希？他表示有跟對方聯絡，覺得她會寄情工作，不會沉醉於負面情緒。