黃宗澤拖狗施法 嘉欣唯唯變警犬

黃宗澤、黃浩然、朱千雪、沈卓盈及蔣家旻等昨日在將軍澳電視城為劇集《警犬巴打》試造型。女主角鍾嘉欣與梁烈唯因工作缺席，Bosco穿警察制服拖警犬亮相，該警犬很聽話，他於是對警犬笑說：「梁烈唯乖！」另一隻警犬卻百厭搶咪，黃宗澤又笑說：「佢係我哋女主角鍾嘉欣，鍾嘉欣唔好咁百厭。」

內地拍BB

自言圓夢一嘗穿制服滋味的Bosco，稍後要上堂學訓練警犬，他說：「聽到要着軍裝我流晒口水，啲朋友都問我做錯咩，之前喺內地先同BB拍完劇，依家又同狗拍劇。不過我屋企隻狗都受過訓練，指令都大同小異，好快上手。」

劇中Bosco再與嘉欣演情侶，他說：「鍾嘉欣角色好cool，高學歷、高智商，不屑同我講嘢。」問可有時間識女朋友？他說：「有冇好介紹？我都好忙，都係啱啱返香港兩日。」

鍾嘉欣和唯唯昨因缺席被玩。（資料圖片）	遇上另一警犬，黃宗澤又叫牠鍾嘉欣。	復出拍劇的黃浩然會與朱千雪演情侶。

黃浩然復出

黃浩然去年因病辭演《張保仔》，事隔九個月再拍劇，他說：「好耐冇拍劇，好期待，好有新鮮感。」浩然演警察兼連鎖快餐店太子，與朱千雪演情侶。演貪錢港女的千雪笑說：「港女十式我都識，之前做醫生、警察規範多啲，今次角色發揮多啲。」

此外，身在英國拍節目的唯唯回應Bosco「讚乖」，他說：「唔介意，我同Bosco好friend，大家都好愛狗。」

採訪：影視組