鄭嘉穎下一站結婚生仔
有事業、有錢、又靚仔的藝人鄭嘉穎，與「女友」陳凱琳愛得火熱，早前嘉穎豪擲450萬港元買入法拉利超級辣跑，昨日他直認此事，並說是完成了兒時夢想，問及還有何夢想未完？他大方直指尚欠「結婚生子」未實現而已！
鄭嘉穎、蔡思貝（Sisley）、謝雪心（心姐）、前亞視藝人李菁等昨午出席天寶鐘表最新香港旗艦店開幕酒會，更聯同品牌主席梁青華及香港鐘錶業總會、永遠名譽會長孫秉樞等一同擔任剪綵嘉賓，由於現場有不少途人和粉絲，擠得水洩不通，各人都汗流滿臉，嘉穎亦熱至大汗疊細汗！
「咪理我 有分數」
雖然熱到爆，與「女友」陳凱琳愛得火熱的嘉穎則全程春風滿面，同場的心姐兩番開腔打趣嘉穎，對他說：「一早見佢甜絲絲。」心姐這樣說，嘉穎顯得相當尷尬，亦兩度回話說：「咪理我啦，我有分數！」明顯不想「穎琳戀」變成焦點，但記者追問兩人的最新進展，不願多提的嘉穎再三強調：「多謝大家關心，呢個唔係真人show，每日有咩發展唔使匯報畀大家聽。」
早前本報踢爆嘉穎豪擲450萬元購入法拉利作「追女戰車」，他解釋說：「買車只係完成小時候未實現嘅夢想，依家去實現。（有咩仲未實現？）結婚生仔仲未實現，每個人都有一個list，做一個tick一個，就係咁簡單，照顧到屋企就可以做任性。」
蔡思貝避忌緋聞
至於Sisley近日被爆與電影《狂舞派》舞指麥秋成於西貢租村屋同居，她明顯避談此事：「係咩？我冇睇，唔講戀情，男女關係講太多，希望講番工作。」由於她被拍得和麥秋成前後腳步出寓所，至此Sisley坦言雙方只是朋友：「唔想講太多其他人。」雖然貌似戀情曝光，Sisley仍自稱單身，兩人關係撲朔迷離！
文：名人組