導演鄭保瑞在昨日播出的電台訪問中，提到電影《殺破狼Ⅱ》中，動作演員Tony Jaa飾演的角色有一位患有癌症女兒，鄭保瑞就大爆其實是自己現實生活中的寫照：「喺設計Tony Jaa嘅角色之後，咁啱發現我個女有病，醫生喺佢子宮上方發現有個拳頭咁大嘅腫瘤，要即刻做手術，當時佢得五歲，對我哋一家嚟講係一件天塌下嚟嘅事！我哋冇隱瞞佢，直接同佢講，陪佢走落去。」他又謂幸好腫瘤屬良性。鄭保瑞昨日再接受電話訪問時表示女兒已接受了微創手術，康復情況理想。
