《我愛發哥》全集放送 賀《東網巨星》facebook登場！

《東網巨星》facebook經已隆重登場！為配合呢個大事件，《東網巨星》facebook由今日開始，將會一連八日、每日把三集視頻上載facebook，務求一次過晒冷《東網巨星》特備重頭節目《我愛發哥》，等大家可以喺短短一個星期，一氣呵成重溫25集精彩內容。《我愛發哥》嘉賓粒粒巨星，包括容祖兒、陳奕迅、周秀娜、謝安琪、吳若希、黃翠如等，想睇佢哋同發哥如何妙問妙答，發哥又如何冧掂各大偶像以及施展佢嘅幽默大法？萬勿錯過！

八盡全城熱話

此外，重點報道各大娛樂新聞及八卦消息嘅《東網巨星》app，之前為大家獨家足本放送戴夢夢剝裙露底出「股」惑太極鼓神轟動全城，而《東網巨星》facebook亦秉承「唔爆唔做」精神，實時為大家八盡全城至hit、至爆娛樂熱話，更為大家捐窿捐罅搜羅奇趣新聞。

25集《我愛發哥》視頻在《東網巨星》facebook專頁晒冷。	台灣歌手羅志祥的戀情近日成為熱話！	林盛斌玩針灸驚變「恐懼鬥室」，有冇被嚇窒？

囊括得意奇聞

除咗晨冰戀、祥青戀呢啲轟動性嘅娛樂新聞外，林盛斌玩針灸驚變「恐懼鬥室」，同陳喬恩潮玩鎖骨裝雞蛋呢啲得意奇聞，《東網巨星》都會為大家盡詳報道，每日一睇，包你唔驚同朋友冇話題，立即到《東網巨星》facebook專頁給我們一個like啦！

第21集	第22集	第23集

第21集：周秀娜愛得太濫？

女神周秀娜勁落鞋油大讚發哥：「我鍾意發哥會去買餸，好親民，同埋會搭港鐵！」去買餸、搭港鐵好平常，發哥聽後都笑問她係咪愛得太濫：「喂！香港廣大市民都好鍾意搭港鐵，個個都去買餸喎！你都鍾意晒喎娜姐！」

第24集

第25集

第22集：任賢齊開口叫大佬

台灣歌手任賢齊希望自己執導的電影能邀偶像發哥觀賞，發哥即話冇收過小齊邀請：「套戲叫咩名？點解你做導演都唔搵我呀？」幸小齊反應夠快：「如果套戲賣得好，應該可以請到發哥做主角！下套戲係江湖片，我要向《英雄本色》致敬，發哥可唔可以做我大佬？」

第23集：JM獲派新英文名

當「宅男女神」JM（文詠珊）讚發哥親民時，發哥竟隔空教JM改英文名：「咁你改吓個英文名啦！你姓文o架嘛，改做『Chan Man』咪『親民』囉！」咁JM以後咪要叫做「CM」囉？

第24集：美棋BB講「捕獲」被反擊

美棋BB笑言未能「野生捕獲」發哥，發哥就說：「我又唔係畜牲，變咗通緝犯，我依家要蒙面，好似參加咗恐怖組織咁，搞到我人唔似人，鬼唔似鬼，動物又唔似動物，禽獸又唔似禽獸，通緝犯又唔似通緝犯，叫苦連天，你唔好搵我喇！」

第25集：發哥請祖兒食檸檬

樂壇天后祖兒要約發哥到鳳凰山看日出，發哥竟請祖兒食半個檸檬：「姐姐，上鳳凰山要過夜喎！嗰度得間屋仔，我諗我哋唔夠瞓！同埋龍哥（男友劉浩龍）逼埋落去又逼到爆，我帶你哋兩個六點幾上到去，我就走先，日出我唔睇喇！」原來發哥想成人之美！

《東網巨星》facebook網址： https://www.facebook.com/onccstars?fref=ts

文：專案組、東網組