潘源良冧緊珍妹 慧嫻突示愛
填詞人潘源良（潘Sir）舉行首個作品展，於場內高調向女友李麗珍（珍妹）示愛，雖然陳慧嫻突然以「陳年戀情」告白，不過潘Sir與珍妹繼續「發光發熱」，其中潘Sir更暗示「最愛是誰」答案館中尋。
潘源良前晚於紅館舉行一連兩場《最愛潘源良是誰作品展》頭場，潘Sir的女友李麗珍與李若彤低調支持，而填詞人林夕亦有到場。潘Sir今次開騷可謂星光熠熠，獲林子祥、草蜢、葉蒨文、陳慧嫻、倫永亮、張敬軒、關淑怡、林憶蓮和達明一派作嘉賓。
方婷愈大愈靚
以紳士Look示人的潘Sir在台上致謝：「今晚（前晚）唔係一個紀念或者榮休演唱會，所以大家唔使用離愁別緒呢個心情去睇，好似我偶像方進新（《大時代》中的劉松仁）所講『老細，畀次機會，做得唔好下次再做』，方進新個女方婷今晚都嚟咗，愈大愈靚啊！」再望實飾演「方婷」的珍妹，兩人遙遙揮手，認真Sweet爆！
這一邊廂有人大放「閃光彈」，另一邊廂慧嫻竟向潘Sir細數當年「情」！慧嫻唱完《今天的愛人是誰》後，突然當住珍妹面前自爆八十年代時「暗戀」過潘Sir：「不過當年我同歐丁玉拍緊拖，所以唔可以講出嚟，你仲記唔記得第一次請我飲嘢，居然係飲香蕉杧果奶昔，仲要喺你屋企，你父母匿喺房唔敢出嚟。」慧嫻更即場焗潘Sir合唱兩句《一對寂寞的心》，為自己「圓夢」。
最愛是誰解謎
雖然慧嫻大膽示愛，不過依然無礙潘Sir對珍妹的愛，他在完騷時更自揭作品展名的「謎底」：「最愛是誰其實一個謎語嚟，咁謎底係咩呢？答案喺本館找。」再情深望向珍妹，加上射燈的出力「助攻」，頓令珍妹害羞掩面。
文：音樂組