周秀娜單身自在 又做戲又創業
近年作電影工作和內衣生意雙線發展的周秀娜（Chrissie），仍舊是單身貴族，身邊一班好友都替她着急，紛紛充當媒人為她扯紅線。Chrissie不介意多結識一個朋友，不過她的愛情觀，就始終着眼於一個「緣」字。
有樣貌有身材兼有生意頭腦的Chrissie是圈中罕有「筍盤」，偏偏見她只埋首工作，至今仍是單身女郎。身邊的一班朋友都因此替她着急，經常借機會介紹男性朋友給她，她說：「有時出到去先知道，但我都會照樣坐低食餐飯，當係多認識一個朋友，冇壞嘅。」
無奈Chrissie至今仍未遇上合眼緣的人，她說：「暫時未遇到，我對揀男朋友沒有條件，最重要係講緣分，緣分嚟到，擋都擋不住，但暫時未有適合對象，我亦唔會強求。」
Chrissie愛看電影，卻不會獨個兒去戲院，寧願留在家中欣賞的電影頻道，她說：「我鍾意邊食嘢邊睇戲，係最佳享受。最近好鍾意《單身男女2》，可能因為自己單身，所以好有共鳴！戲入面古天樂同楊千嬅將依家男女嘅愛情觀完全表達出嚟，令我明白到對愛情，都係隨緣啦！」套戲下個星期就喺now TV 139台播放， Chrissie一於重溫多次，從中偷師做感情戲。
夢想開內衣咖啡室
至於她主理的內衣生意，目前成績不錯，暫時不會考慮拓展其他範疇，不過話雖如此，其實Chrissie心底另有一個夢想：「我希望有個地方，可以一邊擺設內衣或者其他服飾，另一邊就畀客人買完嘢後，可以坐低歎杯咖啡食吓嘢。不過要搵咁大地方已經不容易，而且租金一定好貴，所以暫時都係發吓夢先。」
now本周滿FUN推介
21/6 22:05 《希望》now爆谷台
（now TV 133台）
27/6 16:05 《心花路放》now爆谷台
（now TV 133台）
28/6 23:05 《單身男女2》衞視電影台
（now TV 139台）