錢小豪恨與細佬鬥戲
藝人錢小豪、梁靖琪（Toby）、張惠雅、蔚雨芯、何佩珉等，前晚在尖沙咀齊齊食飯欣賞劇集《潮拜武當》大結局，錢小豪最近忙與一班隱蔽青年拍攝微電影，兩年來看見他們的改變感安慰。問小豪再返無綫拍劇最想與誰合作？他笑言希望能與細佬錢嘉樂兄弟班合作拍劇。談到與前妻郭秀雲的兒子龐景峯（Andrew），他說：「睇緣分啦！佢又唔係跟我成長，不過如果佢搵我飲茶梗開心啦！」
錢小豪昨日與郭秀雲為兒子到韓國做歌手及「花弗」的傳聞發生糾紛，郭秀雲電話回應：「Andrew好單純，佢睇落係麻鷹，但係麻雀，佢唔係溝女大王，係女仔主動溝佢，佢依家好努力唱歌，花兩個月時間練呼吸先去錄歌，佢係有下苦功。」
